Albatta osh qilishni har bir o’zbek bekasi biladi. Lekin hammaning tayyorlash usuli har hil. Har gal osh qilganimda albatta nohotli qilar edim, lekin to’satdan oilamdagilardan oshga buyurtma tushgani uchun bu gal nohotsiz qildim. Demak tayyorlashi boshladim.

Kerakli mahsulotlar

• 6-7 dona kattaroq sabzi
• 0,5 kg go’sht
• 1 ta piyoz
• 3 cho’mich yog’
• dumba
• 700 gr guruch. ( oilada 4 kishimiz shiga mo’ljallab qildim)
• zira

Avval ishni qizib turgan qozonga dumbani to’g’rab soldim, uni yog’i chiqgandan so’ng jizzalarini ovoldim.

Ustiga 3 cho’mich yog’ soldim. Keyin piyozni kattaroq qilib yarim parrak qilib to’g’rab soldim.

Ketidan go’shtni ham soldim. Go’sht tuzlangan bo’lsa yaxshi, agar tuzlanmagan bo’lsa yaxshilab tuz sepib keyin yog’ga solsak go’shtga maza kirib qovriladi. Buvim shunday der edilar. Man oshga go’shtni tuzlab qo’yaman, bir ikki kun avval.

Palovimizni rangi piyozimizni qovirishimizga bog’liq. Oilamga qoraroq osh yoqadi, shuning uchun piyoz qizarguncha sabzilarni to’radim.

Piyoz yetarlicha ranga kirgandan so’ng, to’g’ralgan sabzilarni solamiz.

Sabzinni solgandan so’ng, bir martda aralashtirib o’rta olovda qo’vuramiz, ko’p aralshtirmaymiz, sabzilar ezilib ketadi. Mana bu rasmda hali sabzilarimiz yetilmagan.

Sabzini suvlari chiqib, qaylaning yog’i ajrab chiqguncha pastroq olovda qovrilib turgani yaxshi. Darrov suv solsak, sabzi qaynatilgan sabzili palov bo’ladi. Qovurilib tursa yog’lariga mazasi chiqib yanada mazali bo’ladi.
Mana sabzilarimiz ham qovrilib olindi, endi suv solsak bo’ladi.

Palov yaxshi, mazali va go’shtlari yaxshi pishishi 1- 1,5 soat qaynashi kerak. Palovninng qaylasi qaynavokkan paytda chesnok, behi, garimdori solsa bo’ladi. Lekin chesnok palovni bo’shashtiradi.

Mana palovning eng muhim jarayoni bu damalsh. Guruchni yuvib, shaqillab turgan qaylasiga solamiz.
Guruch solganimizdan so’ng, tahminan ustini ko’mar ko’mmmas suv bo’lishi kerak.  Guruch solganimizdan so’ng palovga maza beradigan ziradan solamiz.

Agar suv ko’pligini sezsangiz, suvidan ovoling, bo’lmasa osh bo’sh bo’lib sho’laga o’xhsab qolishi mumkin. Suvni suyuq ovqatga ishlatvorsez bo’ladi. Eng baland olovda qaynatamiz. Faqat guruchlar bir hilda pishishi uchun adarib, yuzasini aralashtirib turamiz. Suvi shimilishni boshlaganda kapkir bilan guruchlarni o’rtaga yig’amiz, va o’rtasidan teshikchalar ochamiz, chunki orasidagi guruchlarga suv yaxshi kirib bir hilda pishishi uchun.

Rasmda ko’rinib turibdiki, guruchlar hali suvni yaxshi shimib olmagan. Teshiklarini yana yopib guruchni astalik bilan yana bir tekisda yoyvoramiz. Guruch soganimizdan so’ng damlagunimizcha eng baland olovda bo’lishi kerak, guruch suvni yaxshi shimib olishi uchun.  Yana guruchlarni qozonning o’rtasiga yig’amiz, teshikchalar ochamiz.

Mana rasmda ko’rib turganizdek yog’i chetiga  ajrab chiqdi. Endi damlasak bo’ladi. Guruch pishar pishmas bo’lib turadi. Agar guruch yaxshi yetilmagan bo’lsa, yana ozgina suv solsa bo’ladi. Damlanganda parlanib maromiga yetishi uchun.  Teshiklarni nomiga yopib, yaxshilab qopqog’ini yopib qo’yamiz. Eng past olovda 20 daqiqa damlab qo’yamiz.

20 daqiqadan so’ng palovimiz tayyor.

Astalik bilan aralshtiramiz va dasturhonga sovutmasdan tortamiz.

Yoqimli ishtaha!